Qual Sèm ?

Radio locala associativa, fargada en 1981 a Tolosa, la tòca nòstra es la promocion de la lenga e de la cultura occitana.

Realisam e difusem dempuèi aquela data, mai de 16 oras de programes en occitan cada jorn.

Aqueles programes son plan solide mai que mai en Occitan, e tràchan totas menas de tematicas : economiá, politica, esporte, literatura, cinema, cultura, istòria, actualitat, sapiença... bótan un lum occitan sul monde d'avuèi.

En Miegjorn-Pirenèus, mantunas radios associativas prepàusan programes en lenga occitana, dins Arièja, Tarn, Tarn-e-Garona, Òlt e Avairon. Çaquelà, i’a pas que doas radios localas que difúsan aquela mena d'emissions, a quicòm prèp de 60% de la lora gresilha: son Radio Pais a l'oèst, mentre Atlantica e Garona, e Radio Occitania dins lo parçan de Tolosa, en Comenge e en Lauragués.

Nòstres programes Occitans e Catalans, que son lengas gaireben bessonas, son realisats amb coma dralha culturala de botar en davanç lo patrimòni regional europenc, a concurrença de 10 a 15 oras cada jorn. .

Difusem corses d'emprincipiament e de perfeccionament a la lenga occitana, atal coma cada jorn, 12 reng-de-pès d'assabers regionals, nacionals, e internacionals en Occitan (amb dos butletins bilengues de mièg-ora franceses-occitans) mostrant atal lo caractèr actual e viu de la lenga dels Trobadors.

Dins lo rode mondin, l'Occitan es parlat per 14% de la poblacion e comprés per 41%, alara que dins lo campèstre, es parlat per 28% de la poblacion e comprés per 48%. Demest lo monde interogat, 75% consíderan que la lenga fa part de la cultura de Miegjorn-Pirenèus, 80% son favorablas a un ensenhament de l'Occitan, e 77% deséjan que França adoptèsse una lei per la reconeissença e lo salvament de las seunas lengas regionalas.