Radio associativa, nascuda en 1981 a Tolosa, la tòca nòstra es la promocion de la lenga e de la cultura occitana sense desbrembar la mosaïca culturala venguda dels 5 continents e presenta en Miègjorn-Pireneas (Africa, Antilhas, Bulgaria, Catalunya, Espanha, Maghreb, Portugal, Reunion, U.S.A, Vietnam…)
Realisam e difusem 24 oras sus 24 des programes propris tot o part en Occitan, abodats a mantunes subjectes : Economia, Politica, Espòrt, Litteratura, Cinema, Sciencia, Nòvas Tecnologias…bótan atal un lum occitan sul monde.
En Miegjorn-Pirenèus, mantunas radios associativas prepàusan programes en lenga occitana, dins Arièja, Tarn, Tarn-e-Garona, Òlt e Avairon. Çaquelà, i’a pas que doas radios que difúsan aquela mena d'emissions, a mai de 60% de la lora gresilha: son Radio Pais a l'oèst, mentre Atlantica e Garona, e Radio Occitania dins lo parçan de Tolosa, en Comenge e en Lauragués.
Radio Occitania difusa cada jorn, 10 rendetz-vos d'assabers regionals, euroregionals, nacionals, e internacionals en Occitan mostrant atal lo caractèr actual e viu de la lenga dels Trobadors.
Segon una estudi sociolinguistica, apitada en 2010 per la Region Miègjorn-Pireneas, l’Occitan es parlat per 18% de la poblacion e entendut per 32% sul territori regional.
En çò de las personas interrogadas, 93% consideran que la lenga occitana far part integranta de la culture de Miègjorn-Pireneas, 75% son per lo seu ensenhament, e 62% son favorablas a l’enforçament de la sua presencia dins los medias
Se n'en voletz saber mai, l’integralitat de l’estudi es disponibla aqui.
Un recent sondatge Médiamétrie fach sus la ciutat mondina, dont las resultas afortissan los de las annadas passadas, balha a l’estacion nòstra las chifras seguentas :
Reportat a l’ensem a l’ensem del bacin de poblacion concernit per la difusion dels emetedors nòstres (1.350.000 estatjants), aqueles percentatges balhan las resultas seguentas :
